油炸鬼

神棍節　吃神棍　11/11/2011　阿鼻　

【am730】今天可是單身一族的大日子：2011年11月11日，是儲齊六條光棍的「巨型光棍節」，又有些人叫它「神棍節」。

光棍多，所以神棍節雖然只有幾年歷史，卻火紅得很，連傳統應節食物都出來了－－油炸鬼。油炸鬼外形似個「1」字就不用說了，吃法也有講究：先吃兩條油炸鬼、再吃個包子、然後再來兩條油炸鬼。如此，不單止「1」字像，連「11‧11」也像埋了。

油炸鬼的來源不用多說了吧？好啦好啦說啦！秦檜是誰知道吧？他跟曹操一樣，無論現在有幾多歷史學家說「佢真人其實唔係咁差！」但在老百姓心目中，他的形象就跟唐英年一樣差到貼地，所以話說某天，有檔賣燒餅的人家，說起秦檜時氣憤難平，就手地整咗兩個人形麵粉公仔，寓意秦生秦太，再放落滾油炸至鬆脆－－然後竟然幾好食，油炸鬼便流傳至今，成為光棍節美食。

慢著，說油炸鬼是像光棍，不過你食過都知，它其實可以像孖條般掰開兩邊！油炸鬼是成雙成對的！光哪棍啊？原來，最初整秦檜麵粉公仔時，是分開整他們兩公婆、再把二人背對背黏在一起的，幾鬼毒呀啲人？兩公婆成世見唔到對方。後來嘛，為了貪快貪方便，將麵粉切成條後，隨手在中間用刀背壓一壓算數，炸出的油條也會變成兩邊。

作為光棍的你，如冇咁早起到身去買油炸鬼、或者滿臉暗瘡要戒煎炸，也可以選擇另一種應節食物冰糖葫蘆－－那種酸，堪比孤枕難眠的酸楚啊~~~~~~