東大街食肆新聞

半年後回港，不曉得會變成甚麼樣子了。
東大街從來都是食街，不過近年飲食資訊泛濫，區外人好像發現新大陸而已。
自從食肆湧至，街坊店舖逐一結業，連涼茶舖也變成美聯。
總覺得那些聯合國美食與東大街格格不入，恆河例外。不嗜咖哩，從未光顧，只知道那舖位前身是零食店，轉手數次都做不長，恆河居然撐到今時今日，還摘得米芝蓮一星。
黃毅力的食店開張後光顧過兩次，大失所望，從此鄙視他，有人請客也不會去。

黃毅力餐廳轉型　賣熱辣辣煲仔飯　
3/2/2012　Kelly Chu

【頭條】筲箕灣東大街近年變身平民美食街，仲出了一星米芝蓮咖喱屋，Kelly近日去搵食，好似去左環球美食廣場咁，有齊日本、泰國、印尼、澳門、東南亞食肆，其中企業管理專家黃毅力（Eric）名下的日式餐廳，店外貼晒紅紙，話內部裝修，原來係想轉型做港式食肆。另外，Eric餐廳對面亦有舖頭裝修，原來係由鬼馬演員喬寶寶投資既東南亞食店，咁多新食肆開張，相信食街競爭好大。

小妹細問之下，Eric話，筲箕灣畢竟係舊區，街坊唔係咁Buy日式拉麵，加上近來天氣寒冷，大家鍾意食熱辣辣食物，所以煲仔飯食肆生意火旺。Eric於是趁勢，決定轉型做地道港式茶記，由於要重新申請飲食牌照同改建廚房，佢話預計要兩個月後先再同食客見面，向大家推介好味的煲仔飯。

喬寶寶都分一杯羹
小妹望望黃毅力食店對面，發現有新食肆登場分一杯羹，原來係喬寶寶孖住佢契姐「酒廊天后」黑妹（李麗霞）開東南亞餐廳，身為百分百印度人的喬寶寶，餐廳唔少得咖喱，不過喬寶寶同Kelly話，因為佢地既咖喱係中印合璧，仲有海南雞飯做招牌菜，唔擔心同恒河咖喱屋有正面競爭喎。