梁卓偉願捐贈遺體予醫學生解剖

梁卓偉想畀人當刂　7/11/2009
【明報】骨灰龕位嚴重不足，「死後想點葬？」成為近期熱門話題之一，早前食物及衛生局長周一嶽已經講明，死後會火葬，但不會花費公帑，其副手梁卓偉Gabriel又會點？佢既意願既前衛又偉大，就係捐出遺體畀醫學院學生做解剖研究！

捐遺體供學生解剖研究
Gabriel尋日接受商台訪問，第一次公開佢呢個願望，佢話：「我一向係醫學院做野，直至年幾前做呢份工（副局長），我相信醫學院搵遺體做研究畀學生去學習，係有一個需要，希望我過身之後做呢個用途。」主持人問佢：「你唔怕畀學生（當刂）？ 」本身係教授既Gabriel無有怕：「希望可以幫到佢地啦！」
其實港大醫學院喺2008年曾經呼籲市民死後捐出遺體做醫學研究，Emily尋日問番港大，知道原來反應非常好，2008年到而家多咗133人 （59男、74女）向醫學院話願意死後捐出遺體，而係之前，遺體捐獻名單中只係有54人。Gabriel話，其實只需要係生前作出指令，死後就可以貢獻醫 學界，就係咁簡單。