雞春菓仔

30/1/2014　鄧達智　

【晴報】東莞、寶安一帶鄉下人叫雞蛋做雞春，既古又著題。點心稱菓仔，亦是古叫法，例如茶菓。煎堆，老家圍頭話稱呼：碌堆。

從前過年是大盛事，年前一個多月才過冬至，由磨粉，煮糖開始。還需睇緊budget抓緊經濟，家中女眷忙個天翻地覆，要在老爺奶奶、老公親戚面前大顯身手，家中媳婦能幹與否，家族有沒有面子？大部分繫於應付過年繁瑣活兒。

童年家中仍弄炒米餅，程序複雜，上中學前已停產。但芝麻花生脆油角、豆沙角、芋蝦、鹹菓仔、蘿蔔糕、煎堆，每年上場，無限歡迎，尤其合家心愛的雞春菓仔，亦即雞蛋煎堆。


將麵糰弄致球狀，埋口前倒入蔥花蛋漿，封口，置入沸油鍋，寓意石榴多子，傳宗接代的煎堆飽飽滿滿脹起，蛋液滿布煎堆內壁，趁熱吃，脆、香、鹹、甜，還有蛋香……吃一個不夠，一般連吃三個。母親別後，猶幸姑姑、大姐的手勢得真傳八、九，年卅雞春菓仔香仍滿室充盈，感恩！