黃子華《娛樂圈血肉史》

大約在一九九六年，亞視播黃子華和張達明合演的《棟篤笑雙打之玩無可玩》，其後以《黃子華繼續再玩》名義在平日晚上播黃子華另一個棟篤笑，每晚半小時。
那時剛上中學，雖然不會不明白黃子華的笑話，但許多事情都一頭霧水－－正如當年民主歌聲獻中華，不明白為甚麼晚上看電視會見到白天畫面那樣－－感覺好像時光倒流，卻說不出哪裡怪怪的，過了許多年才知道亞視播的正是他一九九Ｏ年第一個棟篤笑《娛樂圈血肉史》。
吾兄錄影節目，吃飯時經常拿來重溫，所以頭半小時內容跟語氣都滾瓜爛熟，李小龍經典對白「我讀得書少」、羅拔迪尼路、方法演技、《的士司機》都是那時認識。
因為《娛樂圈血肉史２》，近年缺乏耐性的我終於將《娛樂圈血肉史》從頭到尾看一遍。

以下是最喜歡的段落，尤其是第四段投票的故事，每逢選舉都記得：
一．5:19-5:51
你知嗎？做電台之前我有個信念，就係呢個世界無論乜野都好，講，係無用既，做先至有用呀，即係唔駛講咩丫，愛就係勒，唔好同我講愛，做啦！
所以你見到有尐人佢愛賭馬愛到極點，佢咪做馬囉！有尐人愛呢個世界愛到極點，咪做世界囉！呢個世界得一樣野係講好過做既者，就係馬克思主義勒。

二．7:44-7:55
無論人地同我講咩基本上我係兩種反應既：如果你同我講開心野，我會話：「無用架！」你同我講唔開心既野，我就會話：「預左架啦！」

三．16:56-17:16
你知唔知邊個黑澤明呀？0個個電影既日本、即係日本既電影大師呢！0者係佢曾經用十年既時間拍一套電影，叫做《亂》！犀利呢！不過我都唔遜色，我自己都亂左三十年丫！我屋企都係一樣！唔係咁第日點做黑澤明呀！

四．31:53-32:53
你地如果想試下幸福既生活呀，登記做選民啦！
你今年有無投票呀？ 有無投票呀？你投過票你就知道咩叫做幸福既生活啦！
你（才羅）住張投票紙去，嘩！我呢世仔，去到投票站，從來未試過我唔駛講笑話都有咁多人對住我笑呀！原來呢個世界咁溫暖既！我呢世仔從來未試過有咁多人不斷咁同我講：請你支持我！請你支持我！原來我咁鬼重要架！
於是我滿懷幸福我就入去充滿誠意投左一票，然後出返黎，我就知道咩野叫不幸－－無人再同你笑，無人再叫你支持我。不過咁，咁又唔會影響我今年九月立法局去投票既，我仍然會帶埋我張投票紙去到投票站，不過我就唔會咁快入去啦！

五．1:19:54-1:20:17
當乜野人都唔用你既時候，你就會覺得自己係一個偉大既藝術家－－係生前都不會受到別人重視！但我比偉大既藝術家重偉大，因為我知道我死後都不會受到別人重視！