北韓學生讀港大

北韓三尖子入讀港大　20/1/2010　
【蘋果】教育局想將香港發展成教育港，但本地大學非本地生多數係內地同胞，有幾國際化可想而知，港大今個學期破天荒收左三個北韓本科生，係創校近百年首次有北韓學生入讀。
根據《朝鮮日報》報道，三個北韓學生去年8月獲取錄，其中一人係北韓駐外人員親屬。港大發言人表示，三個北韓生都獲港大獎學金資助學費、住宿及生活 費用。據港大人士透露，由於北韓學生無參加國際試成績，為了解佢地學業水平，收生及國際生交流事務總監史秉士要深入鐵幕親自到北韓第一學府金日成綜合大學 同北韓學生面試。
據講，北韓教育部千挑萬選十個八個尖子參加選拔，最後港大只係取錄三人，港大冇透露佢地性別同讀邊個學系，亦唔肯講住邊間宿舍，有消息指三人選讀工科、理科。